Ciara ose Sabine: Quajeni si doni, por të gjitha vendet në Evropë po goditen nga një stuhi e fuqishme. Transporti është zhytur në kaos dhe shkollat janë mbyllur, derisa disa njerëz kanë mbetur të lënduar në Gjermani dhe Britani të Madhe.
Evropa Veriore aktualisht po goditet nga një stuhi e madhe, e cila po shkon drejt jugut. Në Gjermani, ku stuhia njihet si Sabine, shërbimet e udhëtimit dhe ngjarjet publike janë anuluar. Gjermania lëshoi paralajmërimet për stuhinë në pjesët më të mëdha të vendit. Sistemi i motit kishte parashikuar të udhëtonte në jug drejt Bavarisë gjatë gjithë natës.
Shpejtësia e erës prej 120 kilometrash (75 milje) në orë pritej gjatë natës në Gjermani, me gjasë të binte pemë dhe të dëmtonte trafikun. Nga mesdita, aeroporti i Düsseldorf njoftoi se kishte anuluar ose devijuar 111 fluturime.
Operatori kombëtar hekurudhor Deutsche Bahn (DB) tha se do të anulojë trenat në distanca të gjata në mbarë vendin si rezultat i stuhisë. “Për shkak të zhvillimeve aktuale dhe erërave gjithnjë e më të fuqishme, ne kemi vendosur të pezullojmë në mënyrë progresive të gjithë trafikun në distanca të gjata nëpër Gjermani.
Ndërsa Britania është goditur nga stuhia më e fortë që nga viti 2013.
Rreth 200 paralajmërime u lëshuan për përmbytje pas shirat e rrëmbyeshëm bënë që lumenjtë të dalin nga shtrati i tyre. Moti i tillë rrëzoi pemë e linja energjetike, duke lënë rreth 30 mijë shtëpi pa energji elektrike.
Dhjetëra fluturime u anuluan dhe ndërmarrjet hekurudhore funksionuan me orare të reduktuara. Valë të mëdha e detyruan portin anglez të Dover të ndërpresë operacionet, dhe tragetet në të gjithë rajonin gjithashtu u ndalën.
Dhjetëra ngjarje sportive u ndërprenë, duke përfshirë ndeshjet në Premier League midis Manchester City dhe West Ham.
