Llapi është pesë ndeshje larg titullit të kampionit. Skuadra e Tahir Batatinës asnjëherë në histori të klubit nuk ka qenë më afër trofeut të shumëkërkuar.

Andaj, klubi është mobilizuar maksimalisht dhe nuk dëshiron t’i lë asgjë rastit.

Për pesë ndeshjet e fundit kampionale, futbollistët e Llapit për çdo fitore do të kenë premi nga 1 mijë euro.

Ky është vendim i trajnerit, Tahir Batatina, i cili në pesë ndeshjet që nga rikthimi i tij në stolin e skuadrës ka të gjitha fitore, duke pranuar vetëm një gol.

Llapi aktualisht është dy pikë prapa liderit, Prishtinës.