Lideri i opozitës turke Kemal Kiliçdaroglu është sulmuar nga disa persona, teksa ai merrte pjesë në cerremoninë e varrimit të një ushtari në Ankara.

Kreu i Partisë Republikane Popullore (CHP) Kemal Kiliçdaroglu u vu përpara nga një turmë e zemëruar njerëzish.

Pamjet tregojnë se ai është shtyrë nga turma e njerëzve, madja ka marrë edhe disa goditje në kokë.

I shoqëruar nga forcat e sigurisë, ai u strehua në një banesë derisa turma u shpërnda.

Ajo që filloi si një protestë kundër pranisë së z. Kilicdaroglu u shndërrua në dhunë kundër tij, sipas agjencisë shtetërore të lajmeve Anadolu.

Duke folur për agjencinë e lajmeve AFP, partia e tij tha se Kilicdaroglu “është mirë” ndërsa zyra e tij thotë se do të merren veprime ligjore kundër fajtorëve të incidentit.

Partia e presidentit Rexhep Tajip Erdogan dhe politikanët nacionalistë e kanë kritikuar Kilicdaroglu për lidhjet e tij me partinë pro-kurde.