Liverpool raportohet se ka bërë kontaktet e para me skuadrën e Lille pasi janë duke provuar t’ia rrëmbejnë nga duart rivalëve të Chelseas, sulmuesin Nicolas Pepe.

Ishte raportuar javën e kaluar se Chelsea ishte e gatshme të paguaj 70 milionë funte për 23-vjeçarin, pasi kanë identifikuar atë si numrin një për zëvendësimin e Eden Hazard, i cili mund të largohet në drejtim të Real Madridit, shkruan Reporteri.net

Por, tani raportet në Francë sugjerojnë se Liverpooli ka avansuar në garën për nënshkrimin e Pepes duke e pyetur skuadrën e Lille për mundësinë e transferimit.

Chelsea tani besohet se janë duke vendosur që të shkojnë pas Pepes apo pas brazilianit të Barcelonës, Philippe Coutinho.

Vetëm Kylian Mbappe ka shënuar më shumë gola në Ligue 1 këtë sezon sesa Pepe. Ai ka shënuar 20 herë dhe ka asistuar 14 gola të tjerë në 36 paraqitje në të gjitha kompeticionet./Reporteri.net/