Të gjithë ata që admirojnë dhe ndjekin këngëtaren shqiptare me famë botërore, Dua Lipa, me siguri e kanë të njohur edhe të dashurin e saj të cilin ajo e ekspozon shpesh nëpër rrjete sociale.

Isaac Carew u bë shumë i dashur për shqiptarët sidomos para disa kohësh kur replikoi në komentet e një postimi në Instagram me nje ndjekëse nga Serbia.

Së fundmi, kuzhinieri i njohur në Britani, ka lajmëruar që ai dhe Dua Lipa do të vizitojnë së shpejti Shqipërinë.

Isaac ka publikuar disa nga pyetjet që i janë bërë në profilin e tij në Instagram në “Ask me a Questions”, ku një prej tyre e pyeste të dashurin e këngëtares nëse e ka vizituar ndonjëherë Shqipërinë.

“Dy herë, së shpejti bëhen tre”-tha ai në videon e publikuar në Insta Story, ndërkohë që përgjigjen e shoqëroi me simbolin e njohur të shqiponjës me duar.

Nuk dimë nëse Dua kishte planifikuar ta mbante surprizë këtë fakt, megjithatë tani që Isacc e tha, nuk ka më kthim pas.

Të gjithë jemi duke pritur me padurim të shijojmë nga afër performancat e shqipatrës që na ka bërë krenarë në të gjithë botën.