Bukuroshja Arbenita Ismajli është njëra ndër modelet shqiptare më të ndjekura në Instagram.

Shpesh ajo ndan me ndjekësit fotografi dhe video të ndryshme nga jeta e saj, gjë edhe për të cilën komentohet e diskutohet shumë – veçanërisht për fotografitë provokuese.

Ismajli në një fotografi të fundit të ndarë me ndjekësit në InstaStory, ka treguar për një nga komentet më të shpeshta me të cilin përballet nga ndjekësit e saj.

Ajo thotë se shumë nga ta e pyesin se pse mban qafore me kryq , kur përkatësia e saj fetare është myslimane.

Për këtë, Arbenita vendosi të përgjigjet në mbishkrimin e fotografisë, duke shkruar se përkundër stolive, ajo do të vazhdojë të jetë përherë myslimane.

“Kam prej atyre që më komentojnë se pse vë qafore me kryq përderisa jam myslimane. Ajo për mua do të thotë thjesht qafore. Ndoshta nuk jam shembull i mirë, por jam krenare që jam myslimane dhe asgjë në tokë nuk mund ta ndryshoj këtë”, ka shkruar modelja Ismajli, teksa ka treguar edhe qaforen në fjalë.

Përndryshe, ajo vazhdon tash e sa vite të shijojë lidhjen e saj shumë të diskutuar me reperin Fero.