Kanë përfunduar pjesët e para të ndeshjeve të Superligës së Kosovës që po zhvillohen sot.

Feronikeli e ka nisur furishëm në 45 minutat e para, duke shënuar dy herë ndaj Gjilanit.

Fillimisht, Kastriot Rexha (9′) gjuan bukur me kokë pas harkimit të Yll Hoxhës për të realizuar 1-0. Ky ishte goli i 18-të për sulmuesin e Feronikelit, i cili është bindshëm i pari në garën për ‘Këpucën e Artë’.

Për rezultatin 2-0 u përkujdes Jean Carioca (35′) që shënoi nga pika e bardhë, pasi ishte sërish Kastriot Rexha që u pengua në zonë.

Fitorja eventuale e mban ekipin nga Drenasi sërish në krye të tabelës.

Ndërkohë, në ndeshjen mes Llapit – Dritës nuk pati gola.

Ferizaji e ka befasoi Ballkanin dhe shënoi për 0-1. Dren Gashi (29′) shfrytëzoi në maksimum një pasim të Viktor Kukës.

Por vendasit barazuan shpejt me Jetmir Topallin (38′) përfiton nga një devijim i Viktor Kukës dhe barazoi rezultatin.