Ylli i Paris Saint-Germain, Neymar duket se e humbi toruan pas humbjes së skuadrës së tij në finale të Kupës së Francës ndaj Stade Rennais të shtunën, duke e goditur me grusht një tifoz në tribunë derisa po ngjitej shkallëve për ta marrë medaljen e finalistit.

Skuadra e Thomas Tuchel krijoi një epërsi prej 2:0 falë dy gola të bukur nga Dani Alves dhe Neymar, i cili bëri rikthimin e shumëpritur nga lëndimi në këtë ndeshje.

Por, një autogol nga Presnel Kimpembe pak para fundit të pjesës së parë i dha Rennes shpresa për rikthim. Dhe ashtu ndodhi, qendërmbrojtësi Mexer e barazoi rezultatin në pjesën e dytë.

Ndeshja shkoi në kohë shtesë por PSG-ja nuk mundi ta gjejë golin e tretë vendimtar.

Zemërimi ishte i madh në mesin e lojtarëve të PSG-së, pasi Kylian Mbappe u përjashtua nga loja në minutën e 118-të pas një ndërhyrje të ashpër ndaj Damien da Silva.

Të gjithë pesë lojtarë e Rennes i shënuan penalltitë e tyre, ndërsa te PSG-ja, Christopher Nkunku e humbi penalltinë, dhe Rennes e fitoi Kupën e Francës.

Përveç që e humbu kupën, PSG-ja mund ta humbë edhe Neymarin për kohë të gjatë. Pamje të publikuara pas ndeshjen shfaqin Neymarin duke e goditur një tifoz në tribunë, derisa po shkonte për ta marrë medaljen e finalistit në tribunë.

Neymar met une pêche à un rennais pic.twitter.com/uXgU3R2l5Y

— Claude vaillant (@vaillant92100) April 27, 2019