Presidenti i Kosovës, Hashim Thaçi gjatë ditës së djeshme ka mbajtur një konferencë për media ku ka folur për marrëveshjet e arritura në Uashington.

Ndonëse, u mbajt në ambient të hapur, presidenti Thaçi gjatë konferencës u pengua nga disa miza, shkruan Reporteri.

Në pamjet e publikuara shihet momenti i sikletshëm i presidentit derisa po u adresohej gazetarëve.

Kujtojmë se gjatë kësaj konference presidenti Thaçi tha se formalizimi i marrëveshjes në Uashington është produkt i një procesi të gjatë, por që gjithmonë i udhëhequr nga lidershipi amerikan.

Thaçi ka thënë se kjo ishte ndërmarrja diplomatike më serioze e SHBA-së për Ballkanin Perëndimor në këto dy dekada. /Reporteri.net