Agjenti i Meghan Markle, Jonathan Shalit, është shprehur se Dukesha Meghan ka të drejtë të kandidojë për presidente të SHBA-ve.

Shalit pretendon se Meghan mund të kandidojë për presidente, pasi ajo ka lindur në Amerikë dhe kjo nuk është diçka e pamundur, gjithashtu ai u shpreh se kjo deklaratë e tij nuk duhet të ngjallë debate, shkruan DailyMail, transmeton lajmi.net.

“Ajo ka lindur në Amerikë, ka gjithë të drejtën për të kandiduar si Presidente, Roland Reagan ishte një aktor, i cili përfundoi në Shtëpinë e Bardhë. Kurrë mos thuaj kurrë”, u shpreh Shalit.

Ky krahasim erdhi nga agjenti që të na bëjë me dije se gjithçka është e mundur, edhe pse Dukesha nuk ka shprehur asnjëherë dëshirë të bëhet Presidente.