Merr fundi makthi i 37 vjeçari, Ahmed Ben Daoud, i cili zhytej çdo ditë në lum në kërkim të trupit të vajzës së tij.

Trupi i Hafsa, 15 vjeçarja e cila u mor nga lumi në San Pietro në Itali më 1 shtator, u nxorr nga uji mëngjesin e 19 shtatorit.

Identifikimi i trupit u bë pasditen e sotme falë punës së mjekësisë ligjore.

Kufoma u gjet kur një polic në pension po peshkonte në zonën në fjalë, ndërsa identifikimin e 15 vjeçares e bëri vetë i ati i saj.

Hansa, me origjinë marokene, jetonte prej 10 vitesh në Itali, ndërsa i ati që nga dita e tragjedisë nuk rreshti kurrë së kërkuari trupin e vajzës.

Sapo mësoi se ishte gjetur një trup nxitoi për të mësuar të vërtetën.

“Doja shumë të ishte ajo, doja t’i thoja lamtumirë, ta përqafoja për të fundit herë e pastaj të shpresoja se do të rikthehesha të jetoja duke ditur se e bëra deri në fund detyrën time si baba. Vetëm atëherë do të gjeja paqe.”, ka thënë 37 vjeçare, citojnë mediet italiane.

Trupi u tërhoq nga familjarët, ndërsa ceremonia mortore me shumë mundësi do të kryhet në Marok.