Thuhet se Harry dhe Meghan kanë nënshkruar me Netflix për t`i dhënë të drejtën t`i ndjekë ata me kamera gjatë përditshmërisë së tyre për 3 muaj rresht.

Çifti po mendon të japë një shembull pozitiv tek njerëzit duke shfaqur veprimtaritë e përditshme bamirëse në të cilat janë angazhuar.

Kjo marrëveshje (nëse është firmosur vërtet) vjen pas asaj përmes së cilës çifti Harry-Meghan do prodhojë filma dhe dokumentarë që më pas do shfaqen në Netflix. Marrëveshje që thuhet se do t`u sjellë atyre 112 milionë paund.

Një format i tillë që ndjek personazhet e njohur nëpër shtëpi, punë dhe përditshmëri ishte “Keeping up with the Kardashians”. Një reality show që nuk do të xhirohet më në familjen e famshme.