Kanadaja është përshirë në protesta kundër racizmit pas publikimit të një videoje tronditëse që tregon stafin e një spitali duke u tallur me një grua autoktonte të fisit indigjen, e cila ishte në gjendje të rëndë shëndetësore dhe fatkeqësisht edhe humbi jetën në spital.
Joyce Echaquan, një grua 37-vjeçare Atikamekë, mbërriti në një spital në qytetin Quebec të Joliette të hënën, duke u ankuar për dhimbje stomaku.
Nëna e shtatë fëmijëve kishte vuajtur më parë nga shqetësime të stomakut dhe i tha stafit se kishte shtrëngime në zemër.
Echaquan filloi të transmetonte drejtpërdrejt përvojën e saj në Facebook ndërsa dhimbjet i shtoheshin dhe stafi në spital u tregua indiferent ndaj lutjeve të saj për ndihmë.
Në pamjet, Echaquan shihet në gjendje të rëndë ndërsa infermierët e quajnë atë “budallaqe dreqi”.
“A keni mbaruar duke vepruar si budallaqe? Keni mbaruar? ” pyeti një infermiere në frëngjisht ndërsa Echaquan ankohej nga dhimbja.
“Ju keni bërë disa zgjedhje të këqija, e dashur,” tha një tjetër infermiere.
“Çfarë do të mendojnë fëmijët tuaj, duke ju parë kështu?”
“Ajo është e mirë në marrëdhënie seksuale, më shumë se çdo gjë tjetër,” tha infermierja e parë.
Udhëheqësit indigjenë thonë se videoja ekspozon realitetet e zymta të racizmit sistematik që vijon prej kohësh.
Kryeministri i Quebec, François Legault, dënoi veprimet e stafit, duke u thënë gazetarëve se të paktën një nga infermieret ishte pushuar nga puna.
Por Kryeministri hodhi poshtë idenë se vdekja e Echaquan ishte përfaqësuese e një problemi më të gjerë të racizmit brenda Quebec, pavarësisht një hetimi publik që konkludonte të kundërtën.
“Unë me të vërtetë nuk mendoj se sillemi në këtë mënyrë me njerëzit e Kombeve të Parë në spitalet tona në Quebec,” tha ai.
Zyra e gjykatës së provincës ka njoftuar hapjen e një hetimi për rrethanat që lidhen me vdekjen e Echaquan. Bordi shëndetësor lokal po heton gjithashtu.
“Ne nuk do të tolerojmë asnjë vërejtje të këtij lloji ndaj personelit tonë,” tha bordi në një deklaratë.
Dhuna ndaj grave autoktone është e njohur në historinë e Kanadasë.
