Katër të pastrehë kanë fituar 50 mijë euro, falë një tikete të lotarisë të cilën ua ka dhuruar një klient derisa po dilte nga një bar në Bretani në perëndim të Francës, kanë bërë të ditur sot organet kompetente për lojërat e fatit.

Të pastrehët po kërkonin lëmoshë para barit në Brest, kur doli një klient i cili ua dha tiketën e vetë të lotarisë që kushton vetëm një euro, transmeton Telegrafi.

Ata iu gëzuan shumë këtij veprimi, e në veçanti kur e kuptuan se i kanë fituar nga 12.500 euro secili prej tyre.

“Kanë qenë plotësisht të befasuar”, thuhet në kumtesën që nuk precizon se si të pastrehët i kanë shpenzuar këto para të fituara në lotari.