Një pastruese ka nxitur reagime të ashpra të opinionit në Kinë, pasi u filmua duke pirë ujë nga guaska e tualetit që e kishte pastruar, për ta bindur shefin se e ka kryer punën si duhet.

Ajo këtë e bëri në prezencë të shefit për t’i treguar se është e përkushtuar në punë, dhe se gjithmonë i kryen punët si duhet, transmeton Telegrafi.

E kompania ku ajo punon e ka shpërblyer për këtë veprim “me titullin “punonjësja e dalluar”, e përkushtuar qind për qind në punë.

E lajmi u bë sensacion kur videoja e saj u shfaq në internet, ku ajo shfaqej duke pirë ujin që e merr me gotë nga guaska e tualetit.

Videoja 32 sekondëshe tregon se si kjo grua merr një gotë të plastikë në prezencë të shefit, përkulet për ta mbushur me ujë nga guaska – të cilën më pas e pi para disa personave tjerë.

E për ta inkurajuar për punën e palodhshme, të pranishmit e duartrokitën. Ngjarja ka ndodhur në provincën kineze Shandong.