Sot (e martë) më 3 nëntor në Shtetet e Bashkuara të Amerikës, po mbahen zgjedhjet presidenciale.
Kandidati demokrat Joe Biden dhe ai republikan Donald Trump janë në garë për të parin e vendit, që do ta qeverisë ShBA-në për katër vitet e ardhshme.
Edhe komuniteti shqiptar në Amerikë janë shumë entuziastë për zgjedhjet, të cilët janë të ndarë në dy grupe: me ata që mbështesin Biden, dhe komunitetin që po mbështesin Trumpin.
Në këtë të fundit është përfshirë edhe këngëtarja e njohur shqiptare, Bleona Qereti, e cila ditë më parë performoi live në Michingan, në festën e organizuar nga shqiptarët që po përkrahin Trumpin në Amerikë.
Qereti në ditën e zgjedhjeve publikoi një fotografi në rrjetin social Instagram, ku shfaqej duke qëndruar në atë që njihet si “Trump International Hotel”, e cila ndodhet në pronësi të Donald Trumpit, në Washington D.C.
“Dhoma e ndenjës amerikane”, shkroi Bleona në një fotografi, ku shfaqej mjaft atraktive e veshur me një bluzë të bardhë dhe me një buzëqeshje të lehtë në fytyrë.
Bleona ka shprehur hapur mbështetjen e saj për Donald Trumpin në këto zgjedhje, teksa ka pasur rastin që në të kaluarën edhe të takohet nga afër me presidentin Trump.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
