Universiteti i Pitsburgut në Shtetet e Bashkuara të Amerikës i ka uruar Vjosa Osmanit marrjen e detyrës së ushtrueses së detyrës së të presidentit.
Kjo është bërë përmes një postimi në Instagram.
“Gjatë një ceremonie të veçantë betimi në Kosovë të enjten, Vjosa Osmani zyrtarisht u bë ushtruese e detyrës së Presidentit të Kosovës. Znj. Osmani është gruaja e dytë që shërben si kryetare e shtetit nga gjashtë presidentët e Kosovës së pasluftës”, thuhet në njoftimin e Universitetit.
Osmani studimet themelore i përfundoi në Fakultetin Juridik të Universitetit të Prishtinës, ndërsa studimet master dhe doktoraturën e përfundoi në Universitetin e Pitsburgut, në SHBA, ku u dallua në mesin e qindra studentëve ndërkombëtarë.
Përgjatë të gjitha fazave të studimit, ajo ishte bursiste.
