Mbrëmë Era dhe Nora Istrefi na zbukuruan Instagramin të gjithëve teksa u panë duke darkuar e duke kaluar kohë me njëra-tjetrën.

Dy motrat simpatike të showbizit shqiptar postuan disa video, ku dukeshhin si gjithmonë në super formë.

Po, Nora duket se ka vendosur të bëjë një ndryshim të vogël në look, pasi ka prerë balluket dhe duket me të vërtetë shumë bukur.

Këngëtarja nuk eksperimenton shpesh me pamjen e saj, andaj ndryshime të tilla nuk mund të mos marrin direkt vëmendjen e fansave.

Ditën e sotme Nora u bë kryefjalë e mediave. Si rrallëherë, këngëtarja ka folur një vit pas ndarjes për divorcin dhe raportet e saj me Robertin, në një intervistë për “Qejfi më i madh se Stambolli”.

Ndër të tjera, Nora theksoi faktin se ata nuk kanë lejuar që ndarja e tyre të ndikojë tek Renee, ndaj dyshja është munduar shumë.