Ky sezon televiziv ka qenë me prurje të bollshme televizive, e një ndër to është edhe “Për’puthen”.

Autorja e këtij emisioni Olsa Muhameti ka folur për ‘PërPuthen’ dhe thashethemet e shumta rreth programit.

Ajo tregon se çka ka të vërtetë dhe çfarë jo në emision.

“Përputhen nuk është 100% ‘reality’. Ne kemi të bëjmë me një program ‘realityshow’ që do të thotë 70% është ‘realitet’ dhe 30% është ‘show’, quajeni skenarë. Vendosni çfarë emri të doni”, tha Olsa Muhameti.

“Diçka është e nevojshme që të ndryshojë derisa del në ekran. Por këta djem dhe vajza janë të lirë të vendosin vetë me atë që dalin, atë çfarë bëjnë’, tregoi ajo.

“Vijnë, kërkojnë këshilla tek mua. Ndodh gjithmonë që vajzat janë të dyzuara: Olsa të dalë me këtë apo të dal me atë? Edhe unë futem dhe bëhem shkuesia në disa raste’, shpjegoi Olsa.