Të reshurat e mëdha të shiut që kanë përfshirë këto ditë Bosnjë dhe Hercegovinën kanë shkaktuar përmbytje të mëdha në pjesët veriore dhe qendrore të vendit. 

Në një nga fshatrat e Bosnjës madje ka ndodhur një rast tragjik i shkaktuar nga të reshurat e mëdha të shiut.

Në fshatin Begov Han një djalë gjashtë vjeçar ra në një përrua aty afër, gjersa kërkimi është ende në proces, shkruan portali Klix.ba, transmeton Reporteri.net.

Raportohet se djali ishte në afërsi të shtëpisë së tij, kur ai aksidentalisht ra në përrua niveli i të cilit ishte rritur për shkak të reshjeve të bollshme. Nëna e djaloshitu hodh pas tij në përpjekje për ta shpëtuar atë, por pa sukses. Ajo është dërguar menjëherë në spital gjersa njësitë speciale janë angazhuar për gjetjen e djaloshit.

Banorët po ashtu janë mobilizuat në kërkim të bashkëvendësit të tyre.

Ndryshe në shumë zona të Bosnjës gjatë ditës së sotme është shpallur gjendje e jashtëzakonshme, gjersa në disa lokacione po kërkohet edhe ndërhyrja e ushtrisë. /Reporteri.net