Antoine Griezman do të luaj ndeshjen e tij të fundit me Atletico Madridin të shtunënk, pasi ka informuar klubin dhe bashkëlojtarët e tij se do të largohet nga klubi gjatë verës.
Sulmuesi francez, gjatë një takimi me Diego Simeonen dhe presidentin Miguel Angel Gil Martin, ka shprehur vendimin e tij të largohet nga “Wanda Metropolitano”, me shumë mundësi drejt Barcelonës, shkruan Reporteri.net
Duhet të ceket se klauzola e lirimit të Griezmann nga klubi në fillim ishte 200 milionë euro, pasi ai kishte nënshkruar kontratë të re me klubin verën e kaluar.
Sidoqoftë, kjo shumë do të zbritet në 120 milionë euro pas datës 1 korrik. Atletico do të përfitojë 96 milionë euro nga shitja e tij ndërsa 24 milionë euro do të shkojnë për Real Sociedadin që ka të drejtën e 20 % të parave nga shitja e tij.
.@AntoGriezmann: “Han sido cinco años increíbles; muchas gracias por todo, os llevo en el corazón”. pic.twitter.com/9XorY05u1T
— Atlético de Madrid (@Atleti) May 14, 2019
Fituesi i Kupës së Botës pati një takim me drejtuesit e klubit dhe ishte i sinqertë në vendimin e tij se cikli i tij në klub ka përfunduar.
Griezmann është për momentin duke negociuar me klubin e Barcelonës./Reporteri.net/
