Personi i dyshuar për sulmet e kryera në xhami në Zelandë të Re ku mbetën të vdekur 49 persona si dhe u lënduan shumë të tjerë, e kishte idhull Millosh Obiliqin i cili është figurë kombëtare e Serbisë.

28 vjeçari Brenton Tarrant, nuk i kishte kursyer lëvdatat e tij për vrasjet që Obiliq kishte kryer ndaj otomanëve mysliman që në atë kohë konsideroheshin si një superfuqi botërore.

Një dosje të cilën e kishte publikuar vetë i dyshuari në rrjetet sociale, përmbante tekste kundër fesë Islame, shkruan The Sydney Morning Herald, transmeton Klan Kosova.

Kujtojmë se ushtaraku Millosh Obiliq është i njohur në historinë serbe për Betejën e Kosovës që është zhvilluar në vitin 1389 kundër Perandorisë Osmane.