Kaloi 36 vite në izolim, hera e fundit që foli me ndonjë person të gjallë ishte viti 1987

Botë

Kaloi 36 vite në izolim, hera e fundit që foli me ndonjë person të gjallë ishte viti 1987

Reporteri

25 Maj 2019 | 9:24

Thomas Silverstein, një nacionalist i bardhë dhe vrasës i dënuar me burgim të përjetshëm, vdiq në moshën 67 vjeçare.

Ai besohet të ketë kaluar më shumë kohë në izolim se çdo i burgosur tjetër amerikan, gjithsej 36 vjet, transmeton Reporteri.net.

Ai vdiq më 11 maj në një spital në Lakewood, Kolorado, për shkak të komplikimeve pas një operacioni në zemër. Shtrimi i tij në spital, sipas New York Times, ishte hera e parë që u lirua nga qelia që nga viti 1987.

Lexo edhe:

BE jep 5.5 milionë euro për Radion Evropa e Lirë pas tërheqjes së financimit nga SHBA

Papa Leoni i lutet Izraelit t’i lejojë ndihmat humanitare në Gazë

Ish-politikani dhe ish-këshilltari presidencial ukrainas vritet në Madrid

Silverstein u transferua në spital nga një burg me siguri maksimale në Flores, i cili u hap në vitin 1994 nga Byroja Federale e Burgjeve (BOP) për terroristët, vrasësit serialë, bosët e narkotikëve dhe të tjerë që konsiderohen të papërmirësueshëm.

Mungesa ekstreme e kontaktit ndërpersonal që mbizotëron aty redukton mundësinë e incidenteve, por në të njëjtën kohë ngre shqetësime rreth ndikimit të vetmisë së plotë në shëndetin mendor të të burgosurve.

Silverstein aty po shërbente dënimim me burg të përjetshëm për vrasjen e dy të burgosurve dhe rojeve të burgut. Ai në burg përfundoi për herë të parë në vitin 1975, jo për vrasje, por për grabitje të armatosur.

Silverstein lindi nën emrin Tomas Edward Conway në vitin 1952 në Long Beach të Kalifornisë. Nëna e tij Virxhinia përfundoi në burg si adoleshente për grabitje. Ajo ishte shtatzënë me Tomasin kur u divorcua nga burri i parë dhe u martua me Tomas Conway,për të cilin Silverstein pretendonte se ishte babai i tij biologjik. Nëna e tij, katër vjet më vonë, u divorcua përsëri dhe u martua me Sid Silverstein, i cili e pranoi atë.

Thomas Conway, tani Silverstein, shpesh u keqtrajtua nga shokët e tij, sepse mendonin se ai ishte hebre./Reporteri.net