Loredana dhe Mozzik, nëpërmjet postimeve të tyre të fundit, lanë të kuptohej se ishin bërë prindër për herë të dytë. Lajmi qarkulloi me shpejtësi në mediat shqiptare mbrëmjen e djeshme.

Fotoja e Loredanës, me një fëmijë në krahë dhe përshkrimi i fotos me emoji-n ku dallohen dy fëmijë, e më pas postimi i Mozzik-ut, duket se bënë një ngatërresë të madhe.

E gjithë kjo ngatërresë, ishte çelësi i vëmendjes drejt bashkëpunimit të tyre më të ri muzikor. Burime nga “Prive” kanë mësuar se këto foto janë realizuar nga xhirimet e videoklipit të ri, që do ta rikthejë çiftin përmes një dueti. Tema e këtij projekti muzikor do të jetë familja dhe për këtë arsye do të ilustrohet rrugëtimi i krijimit të saj.

Pra shumë shpejt do të kemi këngën e re nga Loredana dhe Mozzik. Ende nuk dihet nëse ata e vazhdojnë ose jo marrëdhënien e tyre, edhe pse shpeshherë i shohim bashkë në udhëtime të ndryshme, ku sigurisht nuk mungon dhe vogëlushja tyre Hana.