Granit Xhaka e ka uruar bashkatdhetarin dhe shokun e tij në ekipin kombëtar të Zvicrës, Xherdan Shaqirin, për triumfin e dytë në Ligën e Kampionëve.
Liverpooli e mundi 2:0 Tottenhamin në finalen angleze në Ligën e Kampionëve të shtunën mbrëma në Wanda Metropolitano në Madrid, duke e fituar trofeun e gjashtë në histori të klubit.
Kjo nënkupton se Xherdan Shaqiri tani është dy herë fitues i garës parësore evropiane, pasi së pari e kishte shijuar këtë trofe në vitin 2013 me Bayern Munich.
Xhaka, i cili vetëm tri ditë më parë dështoi ta fitojë garën dytësore evropiane, Ligën e Evropës, pasi klubi i tij Arsenali u mposht nga Chelsea në finale në Baku – e ka uruar Shairin përmes një postimi në rrjetin social Instagram.
Ylli i Zvicrës është bërë futbollisti i parë me prejardhje shqiptare që e fiton Ligën e Kampionëve.
Shaqiri e bëri këtë duke mos shijuar asnjë moment lojë në dy finalet e tij, por ai ka dhënë kontributin e tij gjithsesi në fazat e mëhershme të garës. Ai luajti 90 minuta të plotë ne rikthimin historik të Liverpoolit kundër Barcelonës në gjysmëfinale.