India është duke u përballur me një valë të të nxehtit.

Temperaturat në shumë pjesë kanë shkuar në mbi 45 gradë.

Temperatura në rajonin e Rajasthanit të dielën shkoi mbi 50 gradë.

Për shkak të temperaturave shumë të larta, rajoni i Pradeshit e ka shpallur rrezikun e kushteve të nxehtësisë së madhe.

Të dyja këto shtete dallohen për temperatura të larta gjatë verës.

Sidoqoftë, ky vit ka qenë i rëndë në këtë aspekt edhe për pjesët tjera të Indisë, shkruan BBC përcjellë Klan Kosova.

Temperaturat e larta i kanë goditur më së shumti personat e pastrehë dhe ata që janë të detyruar të punojnë në mjedis të hapur, siç janë shitësit e rrugës, policët e trafikut dhe vozitësit e karrocave. Në mesin e njerëzve të goditur nga vapa janë edhe shpërndarësit e ushqimit të restoranteve.

Së paku shtatë qytete dhe qyteza indiane janë në listën e 15 vendeve më të nxehta në botë.

Tetë vendet tjera janë në Pakistan, ku Jacobabadi me temperaturë prej 51 gradësh po cilësohet si vendi më i nxehtë në botë.