Sopranoja kosovare, Arta Jashari vitin e kaluar u kujdes për pacientët e prekur me COVID-19 në klinikat e Qendrës Klinike Universitare të Kosovës.

Ndihmën për të tjerët ajo e filloi pasi babai i saj e fitoi luftën me koronavirusin, shkruan Gazeta Online “Reporteri.net“.

Jashari përmes një shkrimi të bërë në Facebook, ka kujtuar momentet e vështira që ka kaluar vitin e kaluar, derisa ka bërë thirrje që qytetarët të vaksinohen, dhe të mos besojnë në ato çfarë flitet kundër vaksinës për Covid-19.

Shkrimi i saj i plotë pa ndërhyrje:

Ne janar te ketij viti, pata marr thirrjen prej fqinjve tane te moshuar , se ishte infektuar me covid19 dhe i kishin femijet jashte vendit te gjithe. Atekohe isha vec une me te . Pata dal prej proves ne Filharmoni, shpesh ka ndodhe, i pata vesh rrobat e shkojsha me ore tana ne Sportive me u kujdes. Me pyeti babi : Arta ku je? Dhe ia pata dergu kete foto ku isha. Pa fuqi me e shpetu njeriun qe na sillte 1 muaj rresht buken te dera e shpise kur ishte babi me nje kambe ne vorr atekohe. Nuk ia doli Baca Ismet betejes , e thojsha t’kish pas vaksine , ish kthye ne shpi qysh i premtova . Nuk po du me besu qe ka njerz qe e kan provu kete moment edhe nuk VAKSINOHEN. A e dini o njerez cfare beteje eshte? Ju lutem mos besoni ne thashetheme se po bohet shume vone !!!!