Pesë muaj më parë, lajmi i lindjes rekord në Marok, ku një 25-vjeçare lindi 9 fëmijë përnjëherë, habiti opinionin publik, madje shumë ishin ata që u treguan skeptikë që diçka e tillë të kishte ndodhur vërtetë.
Por sot për herë të parë kanë dalë fotografitë e “nëntënjakëve”, të rritur tashmë, dhe pamja është befasuese, jo vetëm për numrin e tyre, por edhe për shëndetin që gëzojnë.
Fill pas lindjes, katër meshkujt dhe 5 femrat u futën në inkubatorë dhe u mbikëqyrën ditë e natë nga një ekip mjekësh. Sot fëmijët e Halimës dhe Kaderit, çiftit nga Mali të cilit iu mbush shtëpia, duken në gjendje optimale edhe pse lindën para kohe dhe me një peshë që nuk tejkalonte 1 kilogramët.
Prindërit thonë se familja e madhe, në vetvete sa një ekip futbolli, mund të kthehet në shtëpinë tyre në Timbuktu për pak ditë, ku për momentin mjaftojnë 3 dhomat dhe kuzhina në pronësi.
Deri më tani, edhe për shkak të jehonës së madhe në mediat botërore, shpenzimet dhe burimet njerëzore për të mbajtur fëmijët janë paguar nga spitali në Marok, dhe pjesërisht nga qeveria e Malit, që do të vijojë të ndihmojë çiftin që çdo ditë i duhet të përdorë rreth 100 bebelina dhe të paktën 6 litra qumësht.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.