Nëna e Morena Tarakut ka vite që ka ndërruar jetë, derisa ajo shpesh e kujton përmes fotografive e dedikimeve të bëra në rrjete sociale.
Një moment nga përditshmëria e saj, këngëtares kosovare ia ka kujtuar nënën e saj të ndjerë, rrëfim të cilin ajo ka zgjedhur ta ndajë edhe në Instagram me ndjekësit e saj, shkruan Gazeta Online Reporteri.net.
“Nuk kisha ndëgju kohë të gjate erë të qumështit të zier… Isha tek një shoqe dhe nëna e saj kishte vënë qumështin të ziej për të bërë kos. O Zot për një moment më doli nëna ime përpara se kishte plot 17 vite të tëra që nuk e kisha nuhatur erë të tillë në kuzhinën e shtëpisë time… me dolën lot”, ka shkruar Morena duke shtuar se nuk e di as vet pse e ndau me të tjerët këtë histori.
“Po qaja si fëmijë s’me kishte ndodhur kurrë.. se di pse desha ta ndaj me juve… Duaji nenat sepse janë bota njerzimit.. Gjitha nënat e botës meritojnë dashuri pa fund”, ka shkruar ajo.
Ndryshe, Morena këtë periudhë është komentuar në media për lidhjen e saj me këngëtarin turk, Berdan Mardini, por që ajo vetë nuk ka konfirmuar ende një gjë të tillë./Reporteri.net/
