Idealizimi ndaj liderëve politik në vendin tonë duket se veç është rritur. Brohoritjet me plot pasion të zjarrtë, i hasëm edhe në zgjedhjet e këtij viti.

Hashim Bogaj, i cili punon si shofer kamioni, thotë se për disa ditë ka pasur stres se a do ta fitoj partia e Limajt në Malishevë. 47-vjeçari tregon se nga gëzimi i fitores, ka pirë 11 orë alkool.

E gjithë kjo eufori dhe brohoritjet që i bëjnë qytetarët për udhëheqësit e partive politike, e kanë një shpjegim, sipas sociologut Bekim Selisha. Ai thotë se e tërë kjo ndërlidhet me atë se sa një vend është i zhvilluar.