Elon Musk ka treguar se satelitët e tij Starlink tashmë janë pozicionuar mbi Ukrainë dhe qytetarët do të kenë akses të pa-ndalur në internet.

Ukrainasit në ditët e tyre më të vështira po mbështeten tek interneti për t’u informuar dhe për të kaluar kohën, e madje edhe për të treguar se çfarë tmerri po përjetojnë nga sulmet e rusëve në vendin e tyre.

E këto ditë është diskutuar se çfarë do të bëhet kur rusët, në ditët e ardhshme të ndalin internetin në gjithë Ukrainën.

Për këtë, zëvendësministri i Ukrainës i kishte bërë kërkesë publiku pronarit të SpaceX, Elon Musk, që ai të përkujdeset.

Musk, i cili pak kohë më parë ka bërë një vepër tjetër historike, duke lëshuar në hapësirë disa satelitë, përmes të cilëve lëshohet internet në mbarë botën, duket se tani po i vjen rasti që të përdoret.

Musk i ka kthyer përgjigje zëvendësministrit të Ukrainës, duke i thënë: “Shërbimet e Starlink tani janë aktive në Ukrainë. Më shumë terminale janë rrugës”.

Kjo do të thotë se tani njerëzit e Ukrainës kanë çasje në sistemin me internetin më të shpejtë satelitor që ekziston dhe se Rusia nuk mund të ndërhyjë në çasje të këtij interneti, pa ndërhyrë në qendrat e huaja të të dhënave.