Presidenti serb Aleksandar Vuçiç uroi Presidentin e SHBA-ve,  Donald Trump me rastin e Ditës së Pavarësisë së Shteteve të Bashkuara. Përmes një letre, Vuçiq shprehu dëshirën e tij për përparim të mëtejshëm të Shteteve të Bashkuara, si dhe për marrëdhënie më të pasura serbo-amerikane, transmeton Reporteri.net.

“Shkëlqesi, President i nderuar, pranoni urimet e mia të sinqerta për Ditën e Pavarësisë – festën kombëtare të Shteteve të Bashkuara, me urimet më të mira për përparimin e mëtejshëm të vendit tuaj dhe mirëqenien e të gjithë qytetarëve të saj.

Çdo katër korrik, qytetarët e SHBA-ve festojnë vlerat universale, të shkruara në Deklaratën e Pavarësisë, të miratuar 243 vjet më parë. Ata, siç keni thënë, janë vlerat që përbëjnë kombin amerikan, fuqia e të cilit frymëzon dhe jep shpresë”, thuhet ndër të tjera në letrën e Vuçiqit drejtuar presidentit Trump. /Reporteri.net