Reperi Betim Januzi i njohur si “Buta” ka refuzuar ftesën e bërë nga Noizy për të marrë pjesë në koncertin e tij “Alpha”.

Pak javë më parë shkaktoi jo pak zhurmë lajmi se ai do performonte krah Noizyt. Ky i fundit shpërndau foton e Butës në Instagram duke bërë me dije se ai do jetë pjesë e koncertit.

Sipas Panorama.al Buta mungon në listën e artistëve që do dalin në skenë krah tij, pasi thuhet se shkak për këtë janë bërë problemet në jetën personale të artistit.

Buta ka qenë i ftuar që të performojë në qytetin e Tetovës, por edhe aty nuk mori pjesë.

E koncerti do të mbahet më 14 gusht në sheshin Nënë Tereza në kryeqytet.