Një turist në Barcelonë, derisa po jepte një intervistë për ushqimin e mrekullueshëm, plazhet e bukura dhe ujin e pastër atje, një burrë prapa tij në plazh shfaqet duke vjedhur një çantë shpine.
Një hajdut i supozuar u filmua duke vjedhur në një plazh të Barcelonës – teksa një pushues i intervistuar nga një TV spanjoll shprehet për ushqimin e mrekullueshëm të qytetit dhe motin e bukur.
Burri u shfaq në sfondin e kësaj interviste teksa turisti po i thoshte gazerarit “Unë e dua Barcelonën”, shkruan The Mirror, përcjell Gazeta Online Reporteri.net.
Ani pse intervista vazhdon e nuk ndërprehet dhe personi në fjalë merr çantën që ndodhej në plazh, disa sekonda më vonë shfaqet edhe pronari i cili fillon e bërtet se kush ia ka vjedhur gjërat që kishte lënë aty, çantën dhe pantallonat.
Pamjet, të transmetuara në kanalin shtetëror spanjoll TVE dhe të filmuara në plazhin e njohur të qytetit të Barcelonës, Sant Miquel, u bënë virale të hënën.
Policia zbuloi se kishte gjurmuar dhe identifikuar të dyshuarin, falë videos nga intervista e bërë me turistin./Reporteri.net/
