Një studim i ri thoshte dje se disa nga ishujt Marshall në oqeanin paqësor — si Bikini dhe Enewetak — janë ende më shumë radioaktive sesa Çernobili e Fukushima, edhe pse kanë kaluar tashmë 60 vjet që kur SHBA testonte aty armët bërthamore.

Duke testuar tokën për përmbajtje të plutonium-239 e -240, kërkuesit thanë se disa nga ishujt kishin përmbajtje 10 deri në 1,000 herë më të lartë se në Fukushima (ku një tsunami çoi në shkrirjen e reaktorëve bërthamore) dhe rreth 10 herë më e madhe sesa në zonën e rrezikut të Chernobyl.

Kërkuesit thanë se kishin marrë një numër të konsiderueshëm mostrash por më shumë studime nevojiteshin dehe u shprehën të habitur për mungesën e rregullatorëve qeveritarë apo ndërkombëtare mbi nivelet e lejuara të plutoniumit në tokë.

Pas lëshimit të bombave atomike në qytetet japoneze Hiroshima e Nagasaki në 1945, të cilat i dhanë fund Luftës II Botërore, SHBA vazhduan me testimet e armëve radioaktive në zinxhirin e Marshall Islands, mes Haëaii Filipineve, të cilat menaxhoheshin nga SHBA për llogari të Kombeve të Bashkuara. Dy bombat e para të quajtura Able e Baker, u testuan në sistemin ishullor Bikini në 1946 duke nisur një periudhë 12-vjeçare testimesh bërthamore me një total prej 67 testesh.

Bomba e parë atomike me hidrogjen u testua në Enewetak në 1951 dhe një tjetër u shpërthye në Bikini në 1954, e cila ishte 1,000 më e fuqishme se bomba e uraniumit që shkatërroi Hiroshima.