Big Brother VIP Albania ka filluar sonte me edicionin e dytë të spektaklit.
Në natën e parë, publiku është prezantuar me banorët VIP që do të jenë pjesë e shtëpisë së Big Brother në Shqipëri, në garë për ta fituar çmimin e madh, shkruan Gazeta Online Reporteri.net.
Prej konkurrenteve që spikatën më së shumti janë moderatorja Kiara Tito dhe modelja Kejvina Kthella, që është po ashtu figurë e ekranit.
Përpos formave tërheqëse trupore, të dyja këto njihen si karaktere interesante, e që pritet t’i japin shumë shtëpisë së Big Brother VIP Albania.
Ndërkaq pjesë e këtij edicioni është bërë edhe këngëtarja e bukur nga Kosova, Ariana Plakic, që veten prezanton me emrin e saj artistik, “Ari Blu”.
Qysh prej natës së parë, ky spektakël ka thyer rekorde shikueshmërie, duke i tejkaluar edhe ato të edicionit të mëparshëm.
Në transmetimin live në Youtube, Big Brother VIP Albania e kanë ndjekur gati 100 mijë shikues.
Prej gati një muaj ka nisur edhe në Kosovë versioni i “Big Brother VIP”, por që vazhdon të jetë shumë larg këtyre shifrave të shikueshmërisë online. /Reporteri.net/.
Fillon Big Brother VIP Albania 2, thyen çdo rekord të shikueshmërisë që në natën e parë
Reklamë
