Mbrëmë pas mesnate në fshatin Çajle të Gostivarit, është arrestuar 53 vjeçari B.H, pasi gjatë ahengut familjar që është organizuar në oborrin e shtëpisë së tij, dyshohet se ka gjuajtur me armë zjarri pistoletë, dhe ka plagosur dy gra nga fshati Çajle, H.I, 44 dhe M.M, 35 vjeçe.

Dy grat e lënduara janë dërguar në spitalin e përgjithshëm të Gostivarit Ferid Murat për t`iu dhënë ndihmën e parë.Nga plagët e mara, njëra nga zonjat është dërguar në Klinikat e Shkupit. Prokurori Publik dhe SPB Gostivar kanë kryer hetimet në vendin e ngjarjes, ndërsa i privuari nga liria B. H. është arrestuar nga policia.

Sektori i Punëve të brendshme të Gostivarit, tek personi i arrestuar ka gjetur dhe konfiskuar një pistoletë, e cila po ashtu është dërguar për ekspertizë të mëtejme.