Lopët shëtitën nëpër Prishtinë, pronari thotë se kjo është normale

Disa lopë sot kanë kullotur në njërën ndër pjesët më të frekuentura në Prishtinë, në Rrugën B.

Po ashtu kafshët ndaluan në kontejnerët e lagjes, në tentimin për tu ushqyer.

Gjithë kjo situatë që u pa në këtë pjesë të kryeqytetit, po konsiderohet shqetësuese nga Fondacioni për të drejtat e kafshëve.

Agjencia zbuloi se kafshët i takojnë një ferme në fshatin Matiqan të komunës së Prishtinës.

Në AVUK thonë se lopët janë të gjitha të regjistruara nga pronari, megjithatë atij i kanë dhënë një vërejtje në bazë të kompetencave që kanë.