Ditën e sotme u raportua se këngëtarja Teuta Selimi kishte raportuar bashkëshortin e saj si dhe vëllain në polici për dhunë në familje.

Rasti kishte ndodhur në orët e para të mëngjesit të së mërkurës, ku bashkëshorti i saj Patrik Neziri e kishte goditur disa herë në kokë.

Por, siç raportoi Sinjali, vëllai i saj, Agron Selimi nuk ishte pajtuar me këtë veprim të këngëtares, kështu dhe ai kishte ushtruar dhunë ndaj saj.

Por për dallim nga bashkëshorti i cili është lënë i lirë, vëllai i saj me vendim të prokurorit është dërguar në mbajtje.

Teuta Selimi denoncon burrin dhe vëllain në polici, dyshohet se njëri e rrahu në mëngjes e tjetri në mbrëmje

Me tu publikuar lajmi, komentet e gjinisë mashkullore kanë qenë nga më skandalozet, duke e arsyetuar dhunën në një mënyrë apo tjetër.

“Tre herë u dasht, po mirë i paske punt ti shuj”, “Ndoshta të bon hajr se je hallakat shumë”, “Para buke, dhe mbas buke mirë është për shëndetin”, “Ho durt ju lumshin”, “Ju lumt pak t’paskan rreh”, kanë qenë vetëm disa nga komentet e meshkujve që kanë komentuar në Facebook në lajmin e publikuar nga Gazeta Reporteri.net.