22-vjeçari ndërron jetë, piu një bidon me Coca cola për 10 minuta

Një 22-vjeçar ka humbur jetën pasi piu një bidon  Coca Cola në vetëm 10 minuta. I riu nga Kina piu cola për shuar etjen e një dite të nxehtë, por shkoi në spital disa orë më vonë pasi ndjente fryrje të barkut dhe dhimbje të forta stomaku.


Mjekët thonë se konsumimi i një sasie kaq të madhe të pijes e shkaktoi grumbullimin e gazit në trupin e tij, gjë që çoi tragjikisht në vdekjen e tij. I riu pa emër kishte një rritje të rrahjeve të zemrës, presion të ulët të gjakut dhe po merrte frymë me shpejtësi kur mbërriti në spital.

Skanimet gjithashtu zbuluan se ai kishte ishemi hepatike një lloj dëmtimi i shkaktuar nga furnizimi i ulët i oksigjenit në mëlçi, për të cilin mjekët besojnë se ishte i lidhur me praninë e gazit në venën portale.

Atij iu dhanë ilaçe për të mbrojtur mëlçinë e tij dhe për të stabilizuar funksionet e tjera të trupit të tij nga dëmtimet e mëtejshme. Pas 12 orësh, testet e gjakut treguan se i riu kishte dëmtime serioze të mëlçisë. Gjendja e tij u përkeqësua më tej dhe ai vdiq 18 orë pas trajtimit.