A ndiheni ndonjëherë sikur pa marrë parasysh sa përpjekje bëni për ta rregulluar dhe organizuar, shtëpia juaj nuk duket kurrë e rregullt? Apo ndoshta kaloni shumë kohë duke u marrë me pastrimin dhe disa ditë më vonë, shihni që gjithçka rrotull jush është një “bombë” e vërtetë!

Ja gjashtë motive të mundshme nga organizatorët profesionistë se pse shtëpia juaj duket gjithnjë rrëmujë!

Lodrat janë kudo

Fëmijët e bëjnë të vështirë mbajtjen e shtëpisë të rregullt, por nuk është e pamundur t’i kesh gjërat nën kontroll. Zgjidhja më e mirë për lodrat është të keni shporta dhe kosha ku mund t’i vendosni aty.

Nuk rregulloni krevatin në dhomën e gjumit

Dhoma juaj e gjumit do të duket gjithmonë e pastër dhe e rregullt nëse shtrati është i rregulluar. Ky proces merr vetëm një minutë kohë, ndaj mos e neglizhoni.

I lini rrobat ku të mundeni

Të gjithë jemi fajtorë që vishni një xhup për disa orë dhe nuk e lini në vendin e vet, por në karrige, në divan etj. Kjo sjell më shumë rrëmujë duke bërë që gjithçka të duket e çrregullt.

Gjërat nuk kanë shtëpi

Lindsey Mahanna, një organizatore profesioniste thotë se kur gjërat nuk vendosen në vendin e vet, ato përfundojnë në hapësira të rastësishme duke krijuar rrëmujë kudo.

Keni shumë gjëra

Pavarësisht nëse jetoni në një apartament në pallat apo shtëpi private, përgjithësisht hapësira private asnjëherë nuk është e mjaftueshme. Ndaj, nëse mendoni se keni në shtëpi objekte apo gjëra që nuk i përdorni prej vitesh, më mirë hidhini në kosh.

Nuk keni ndërtuar një sistem rregullimi dhe organizimi

Nëse nuk caktoni një ditë apo moment gjatë javës, duke hequr dorë nga rutina e përditshmërisë për t’iu dedikuar pastrimit dhe organizimit, do keni gjithmonë rrëmujë në shtëpi.