Kur e gjejmë veten në një situatë të rrezikshme, frika është një reagim krejtësisht normal. A mund të ketë diçka kaq të zakonshme me pasoja drastike?

Dr. Robert Gleter, një mjek i përgjithshëm në Spitalin e Lennox Hill në Nju Jork, thotë se rezultati i vdekjes në këto raste është shumë i njohur. Kur njerëzit janë shumë të frikësuar, ata mund të reagojnë në dy mënyra: duke ikur ose duke luftuar. Ky reagim bazohet në rritjen e adrenalinës qysh në sjelljen e hershme njerëzore, në kohën kur etërit tanë hasën në kafshë ose kundërshtarë të tjerë, shpjegon Dr Robert Gleter, transmeton Reporteri.net.

Një valë adrenaline është një aktivitet i ngadaltë i kontrolluar nga sistemi nervor autonom. Kur një person përballet me dilemën “për të luftuar ose për të shpëtuar”, zemra përshpejtohet, venat zgjerohen dhe gjaku rrjedh më shpejt në indet e muskujve.

Për fat të keq, siç thekson Dr. Gleter, një nivel i rritur i adrenalinës mund të dëmtojë seriozisht zemrën, çka mund të çojë deri në humbjen e vetëdijes dhe vdekjen.

Një ngjarje e frikshme, si një kërcënim me një armë zjarri ose një shaka pa kripë, mund të jetë shkaktar i një reagimi të tillë që do ta kthente situatën në vdekjeprurëse. Sipas Dr. Gleter, kjo mund të ndodhë me njerëz krejtësisht të shëndetshëm, edhe pse më të prirur janë ata që vuajnë nga ndonjë sëmundje e zemrës.

Megjithatë, frika nuk është shkaku i vetëm i këtij reagimi vdekjeprurës. Çdo emocion i fortë mund t’i shkaktojë këto pasoja. Një nivel i lartë i adrenalinës në gjak mund të çojë në vdekje gjatë marrëdhënieve seksuale, ose lojërave intensive sportive. Reagimi për të “luftuar ose për shpëtuar” gjithashtu mund të shkaktohet nga tinguj të fuqishëm si një shpërthim ose edhe një erë e tmerrshme./Reporteri.net