Ariu problematik i Prizrenit bëhet me profil në Instagram

Arusha problematike e Prizrenit tashmë është bërë edhe me llogari në rrjetin social Instagram. Profili i ariut numëron 297 ndjekës, derisa po cilësohet si “më i madhi në vend”.


E përveç në Instagram, faqe në emër të arushës kanë filluar të hapen edhe në Facebook, duke i dalë në përkrahje, e duke kundërshtuar vendimin për vrasjen e saj.

Ndryshe, Drejtorati Qendror i Inspekcionit për Pylltari dhe Gjueti në Agjencinë Pyjore të Kosovës ka marrë vendim për vrasjeen e “Arushës së Murrme”.

Në bazë të këtij vendimi kjo kafshë është shpallur “Kafshë përkohësisht dëmtuese”, ndërsa vendimi i është dërguar Drejtorisë për Bujqësi dhe Zhvillim Rural të Komunës së Prizrenit, duke i dhënë asaj autorizimin për vrasjen e kafshës së “egër dëmtuese” e cila sipas tyre afrohet në afërsi të vendbanimeve.