Përkrahësit e Kurtit shpërndajnë lajmin se një çift nga Kosova ka pagëzuar me emrat Vjosa e Albin binjakët që u lindën pas 15 vitesh

Që na mbrëmë në faqet që përkrahin kryeministrin Albin Kurti është shpërndarë një lajm për një çift nga Kosova të cilët pas 15 vitesh janë bërë prindër.


E veçanta e këtij lajmi siç thuhet është se ata kanë vendosur që fëmijët binjakë, djalë e vajzë ti pagëzojnë me emrin Albin e Vjosa, dy politikanët më të votuar të zgjedhjeve të 6 tetorit.

“Pas 15 vitesh u bëra baba i një vajze e një djali dhe emrat jau lash ALBIN e VJOSA , ishalla bëhen si Albin Kurti e Vjosa Osmani. Qofshin me jetë të gjatë e të lumtur Vjosa e Albini”, thuhet në postimin e shpërndarë në grupin “me Kryeministrin”, i cili më pas është shpërndarë në shumë faqe të tjera.

Nuk dihet nëse ky lajm është i vërtetë, megjithatë ai është duke u shpërndarë në rrjetet sociale nga përkrahës të Vjosa Osmanit e ALbin Kurtit./Reporteri.net