Viruse të ngjashme me patogjenin që ushqejnë pandeminë aktuale globale janë gjetur në pangolina të trafikuar, pasi shkencëtarët paralajmëruan se gjitarët me luspa duhet të ndalohen në tregjet e kafshëve për të parandaluar një tjetër shpërthim të koronavirusit në të ardhmen.
Një studim nga Universiteti i Sidneit ka treguar se Sars-CoV-2, virusi që shkakton Covid-19, ka ngjashmëri gjenetike me një lloj tjetër të koronavirusit që aktualisht infekton gjitarët pangolin në Kinën jugore.
Hulumtimi, i botuar në revistën Nature, paralajmëron se “trajtimi i këtyre kafshëve kërkon kujdes të konsiderueshëm”, transmeton Reporteri.
Profesori Edward Holmes, një virolog evolucionar që drejtoi studimin, tha: “Roli që luan pangolina në shfaqjen e Sars-CoV-2 është ende i paqartë. Sidoqoftë, është e habitshme që viruset e pangolinës përmbajnë disa ngjashmëri që janë shumë të lidhura me virusin e njeriut.
Që nga shfaqja e Covid-19 në Wuhan vitin e kaluar, pangolina është identifikuar si një burim i mundshëm i virusit përpara transmetimit të tij te njerëzit – diçka për të cilën hulumtimi i Holmes tha se ishte një mundësi. /Reporteri.net