Diplomati britanik bëhet hero në Kinë, shikoni si e shpëtoi një studente derisa po mbytej në lum

Një diplomat britanik është kthyer në një hero në Kinë pasi shpëtoi nga mbytja një studente. Ngjarja ka ndodhur gjatë fundjavës.

61-vjeçari Stephen Ellison ishte duke vizituar qytetin të shtunën kur dëgjoi një britmë nga një turmë njerëzish ndërsa vajza binte në ujë. Pa u menduar dy herë ai kaloi në veprim.

Në video shikoni momentin kur diplomati hidhet në lumin pranë Chongqing në Kinën jug-perëndimore për të shpëtuar vajzën e cila ra në ujë aksidentalisht pasi i rrëshqiti nga një gur.

61-vjeçari, Stephen Ellison, ka vetëm një muaj në postin e tij të ri si konsull i përgjithshëm.

Ai e mori këtë post në qershor pasi shërbeu si diplomat i vjetër në Ambasadën britanike në Pekin që nga viti 2014.