Një franceze 22-vjeçare është gjetur e vdekur dhe pa pikë gjaku në trupin e saj në një kishë të braktisur në Luginën Aosta të Italisë, raporton CNN.

Sipas policisë italiane ajo ishte në kërkim të shtëpive me fantazma.

Planet ia kishte treguar edhe familjes para se të largohej nga një fshat afër Lyonit, përcjell gazeta online Reporteri.net.

Policia beson se viktima mund të ketë bërë përpjekje që të realizojë një video për TikTok, duke shtuar se vdekja e saj mund të ketë lidhje me garën për ndjekjen e fantazmave që kishte nisur në platformën e “TikTokut”.

Teoritë e tjera janë se ishte vrasje për sakrificë, ose përpjekje për të kryer një shaka në mediat sociale në kishën e dekonkretuar. Policia është ende në kërkim të një të riu që është parë me të. Ka edhe dy raste të tjera të personave të zhdukur në zonë për të cilat policia thotë se mund të kenë lidhje.

Sipas zëdhënëses, viktima dhe një shok ishin parë në zonë të veshur “si vampirë”. Një dëshmitar i intervistuar nga policia thotë se e reja ishte e zbehtë dhe “e dobësuar” dhe burri kishte flokë të errët dhe lëkurë ulliri.

Dëshmitarja u tha hetuesve të policisë se ajo dukej si “e vdekur që ecën”

Gruaja e vdekur, emri i së cilës nuk bëhet i ditur, ishte goditur me një thikë kampi dhe ishte gjakosur deri në vdekje, sipas ekspertit mjekësor Roberto Testi. Ajo kishte gjithashtu dy të shtëna me armë zjarri në qafë dhe një në bark që policia thotë se mund të jetë shkaktuar pasi ajo vdiq.

Një pjesë e gjakut ishte gërvishtur nga dyshemeja dhe ishte hequr nga vendi i krimit, tha policia për CNN.

Nuk ka pasur shenja të kundërshtimit, thotë policia.