Irani si destinacion, ka mrekulluar të gjithë ata që e kanë vizituar atë. Dhe ata që ishin atje e dinë se të paktën për gratë, ka rregulla strikte të veshjes, ku gjithashtu përfshihen  edhe turistët. Shallet  në kokë janë obligative ndërkohë që ngjyra duhet të jetë e zezë. Nga pjesa tjetër e vendit ndryshon provinca e Hormozaganit, e vendosur në bregun jugor.

Përzierja e kulturave të ndryshme e bën këtë vend të veçantë. Aty jetojnë afrikanët, indianët, arabët dhe persianët. Ky rajon ishte qendra e tregtimit të erëzave më shumë se 2 mijë vjet para epokës së re dhe ndikimet e ndryshme formësuan zakonet e banorëve. Ajo që është e zakonshme për gratë e të gjitha kombeve këtu janë maskat  ​​në fytyrë, por jo ngjyrë të zezë, por  ngjyra të ndritshme, gjë që vlen edhe për veshjet e tyre, transmeton Reporteri.net

Gratë në Bandari mbajnë maska ​​për shekuj, dhe origjina e saktë është e panjohur. Megjithatë, sipas gojëdhënave, maska ​​mendohet se është vendosur gjatë sundimit portugez, për të shmangur skllevërit në kërkim të vajzave të bukura.

Maskat janë të ndryshme, disa mbulojnë të gjithë fytyrën, disa zbulojnë zonën rreth syve. Materialet po ashtu janë të ndryshme, ndërkohë që banorët lokalë njohin origjinën dhe statusin e gruas në formën dhe ngjyrën e maskës që mban.

Maska më njohur është ajo e grave nga fshati Quesh. Një maskë e veçantë në formë të  mustaqeve, që thuhet se është bërë në mënyrë që gratë të duken më të forta. Shekuj më parë, kjo zonë ishte në fokus të pushtimit të armikut, të cilët në momentin që shihnin gratë me maska, do të mendonin se ishin ushtarë, burra.

Kjo traditë po zhduket ngadalë sot. Gratë e reja po heqin maskat ​​nga fytyrat e tyre, por ato nuk distancohen plotësisht nga zakonet e tyre, por  zëvendësojnë maskën  mbi fytyrat e tyre me vello në kokë. Megjithatë, kur flasin me të huajt, sidomos meshkujt, ato nuk largohen nga maska. /Reporteri.net