Kanabisi është i paligjshëm në Hong Kong, por kafeneja e re ofron produkte që përmbajnë pjesë të bimës së kanabisit pa shkelur ligjet lokale.

Found Café është e para në qytet që ofron një larmi kafeje, ëmbëlsirash, birrash dhe lëngje frutash që përmbajnë kanabidiol ose CBD, një substancë kanabisi që thuhet se ka efekte terapeutike.

Kanabisi tetrahidrokanabinol, i njohur si THC, është një përbërës psikoaktiv që, nëse konsumohet në sasi të mëdha, “ngre” përdoruesit. Por ndryshe nga THC, CBD përdoret zakonisht për të zvogëluar stresin pa efekte anësore.

Një mysafir në kafene, Killian Husseini, tha se pirja e kafesë CBD ishte relaksuese.

“Kafja është e shijshme dhe më pëlqen efekti që CBD ka mbi mua” tha Husseini, duke shtuar se “nga ana kognitive dhe fizike, në një farë mënyre më ndihmon të kapërcej ngarkesën e një dite normale”.

“Hong Kong është në të vërtetë një nga tregjet më të përparuara të kanabinoidit në Azi ” , tha Fiahra Mullen, bashkëpronare e Altum International, një furnizues aziatik i kanabinoidit që punon me Found.

Ndryshe nga pjesët e tjera të rajonit: Australia, Zelanda e Re, Singapori, ligji i kanabinoidit në Hong Kong është më fleksibili.

Moulin thotë se ai shpreson që kafeneja mund të ndihmojë në prishjen e paragjykimeve në lidhje me produktet CBD dhe dëshiron që CBD të mbajë njerëzit largë përdorimit të kanabisit dhe drogës.

“Kafeneja mund të shesë ushqime që përmbajnë kanabinoid për sa kohë që nuk ka THC në produkte”, tha ai.

Sipas Qendrës Hong Kong për Sigurinë e Ushqimit, Rregullorja e Barnave të Rrezikshme e bën një krim importimin e kanabisit ose ndonjë produkti që përmban kanabinoide të kontrolluara.

Megjithëse CBD është një kanabinoid, nuk është klasifikuar si një ilaç i rrezikshëm sipas ligjit të Hong Kongut. /Reporteri.net