×
  • Extra
  • Extra

    I doli vetura 7 centimetra jashtë zonës së parkingut, gjobitet me mbi 100 euro

    Reporteri
    01 Tetor 2022 | 10:32

    Një britanik ka mbetur i shokuar kur ka marrë një gjobë prej 100 funte për parking të palejuar, pasi vetura e tij kishte dalë vetëm afro 7.5 centimetra jashtë vizës së parkingut, raporton “The Sun”, të martën.

    Julian Griffiths 59-vjeçar, ka thënë se kishte paguar veturën e tij për dhjetë minuta, ndërsa ishte futur në një lokal.

    Por, në nxitim, ai nuk kishte shikuar mirë se si e ka parkuar veturën e tij Renault Clio. Vetura e tij kishte kaluar për afro 7 centimetra vizën e bardhë.

    Dy javë më vonë, ai u gjobit me 100 funte për shkelje të rregullave të parkingut.
    “Unë mendova se po bëjnë shaka. Kurrë nuk kam menduar se duhet të jetë në mënyrë perfekte e parkuar vetura. Do të kuptoja po të kishte dalë gjysma e veturës jashtë, por është çmenduri për 7 centimetra”, ka thënë Julian.

    Julian, që kishte parkuar veturën në “Parc Tawe” në Swansea, ka apeluar tash ndaj gjobës.

    Nuk është personi i parë që është ankuar për gjobë të tillë parkingu. Një person tjetër po ashtu ishte gjobitur me 100 funte për arsyen e njëjtë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!